「我唔介意踏入4字頭，我都唔係好相信自己咁快40歲，我都keep得OK。我當然覺得自己個樣進化咗，以前有baby fat。」
陸詩韻坦言人大瞭更會扮靚，「識得執靚咗，而傢醫學咁昌明，去美容院做嚇機絕對有幫助。」
她表示不抗拒醫美：「我以前後生，微調打少少Botox都試過，嗰時細個夠大膽敢試，又有美容院sponsor，我見有baby fat都打嚇，又真係提升咗。不過一定唔會植入啲嘢入身體，自己唔接受，不過就唔反對人哋去做。」
陸詩韻的硬朗外表，總予人「女強人」的感覺。她自言很蝕底：「出面啲人唔認識我，就會好忌我，以為我好多心計，我做嘢又唔講嘢，唔笑時，人哋又以為我好難相處，我其實係鱷魚頭老襯底。」
陸詩韻開列的擇偶條件，令人不禁想到其富豪舊愛曾文能，2007年他們被影到同遊日本令戀情曝光，最終拍拖一年便分手。
二人再見亦是朋友，陸詩韻至今仍不時被追問可會舊情復熾？「嗰時我好傻，唔識handle，怕公司同經理人唔鍾意，拍拖唔敢認，結果去旅行時俾記者影到就寫得唔好」
「自己形象都受損。不過我又唔覺得大傢分開係我miss咗個chance，可能係佢miss呢，我唔用呢樣去衡量。」
「黃金盛女」陸詩韻續說：「我幾enjoy呢個moment，而傢擁有嘅嘢仲多過以前，可能錯過咗好多嘢，但冇錯失過唔會行到今日，跌過起番身個人都強啲，我希望自己係一個有經歷嘅人，而唔係一張白紙。」
陸詩韻近年也營商賣護膚品，生意做得不錯，她自嘲自己工作起來不會停。迎接「39+1」，陸詩韻訂下目標：「我希望45歲前退休，未來呢5年要不停咁去追，我追嘅唔係一個數目，係追一個成功感，希望45歲後自己唔使咁辛苦。」